ದುಬೈ: ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಇದರ ಯು.ಎ.ಇ ರಾಷ್ಟ್ರೀಯ ಸಮಿತಿಯ ಅದೀನದಲ್ಲಿ ನೂರುಲ್ ಹುದಾ ದಾವತ್ ಇ ಇಫ್ತಾರ್ ಕಾರ್ಯಕ್ರಮವು ಎಪ್ರಿಲ್ 24ರಂದು ದುಬೈ ಅಬ್ಜದ್ ಗ್ರಾಂಡ್ ಹೋಟೆಲ್ ಸಭಾಂಗಣದಲ್ಲಿ ವಿಜೃಂಭಣೆಯಿಂದ ನಡೆಯಿತು.
ಕಾರ್ಯಕ್ರಮವು ನೂರುಲ್ ಹುದಾ ಯು.ಎ.ಇ ರಾಷ್ಟ್ರೀಯ ಸಮಿತಿಯ ಗೌರವ ಅಧ್ಯಕ್ಷರಾದ ಬಹುಮಾನ್ಯ ಅಸ್ಗರ್ ಅಲೀ ತಂಙಲ್, ನೂರುಲ್ ಹುದಾ ದುಬೈ ಸಮಿತಿ ಗೌರವಾಧ್ಯಕ್ಷ ಸುಲೈಮಾನ್ ಮೌಲವಿ ಕಲ್ಲೆಗ ಅವರ ನೇತೃತ್ವದಲ್ಲಿ ಮಜ್ಲಿಸ್ಸುನ್ನೂರ್ ಹಾಗೂ ದುವಾ ಮಜ್ಲಿಸ್ ನೊಂದಿಗೆ ಆರಂಭಗೊಂಡಿತು.
ನೂರುಲ್ ಹುದಾ ಯು.ಎ.ಇ ರಾಷ್ಟ್ರೀಯ ಸಮಿತಿಯ ಅಧ್ಯಕ್ಷರಾದ ಜನಾಬ್ ಶೆರೀಫ್ ಕಾವು ಅವರ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾಸ್ಟರ್ ಮುಹಮ್ಮದ್ ಅಝ್ಫರ್ ಸೋಂಪಾಡಿ ಅವರು ಕಿರಾಅತ್ ಪಠಿಸಿದರು, ನೂರುಲ್ ಹುದಾ ಯುಎಇ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ಲತೀಫ್ ಕೌಡಿಚ್ಚಾರ್ ಅವರು ಅತಿಥಿಗಳನ್ನು ಮತ್ತು ಹಿತೈಷಿಗಳನ್ನು ಹಾರ್ದಿಕವಾಗಿ ಸ್ವಾಗತಿಸಿದರು.
ಕಾರ್ಯಕ್ರಮದಲ್ಲಿ ಎಸ್ ಕೆ ಎಸ್ ಎಸ್ ಎಫ್ ಯುಎಇ ರಾಷ್ಟ್ರೀಯ ಸಮಿತಿಯ ಅಧ್ಯಕ್ಷರಾದ ಸೈಯ್ಯದ್ ಶೊಹೈಬ್ ತಂಙಳ್ ಅವರು ಮಾತನಾಡಿ ಧಾರ್ಮಿಕ ಮತ್ತು ಲೌಕಿಕ ವಿದ್ಯಾಬ್ಯಾಸ ದ ಅನಿವಾರ್ಯತೆ ಗಳು, ಮುಂದಿನ ತಲೆಮಾರಿಗೆ ಉತ್ತಮ ವಿದ್ಯಾಭ್ಯಾಸ ಸಂದೇಶ, ಪದ್ಧತಿಗಳನ್ನು ತಲುಪಿಸಬೇಕಾದ ನಮ್ಮ ಜವಾಬ್ದಾರಿಗಳನ್ನು ನೆನಪಿಸಿದರು ಮತ್ತು ನೂರುಲ್ ಹುದಾ ಇದರ ಅಭಿವೃದ್ಧಿಗೆ ಎಲ್ಲರೂ ಕೈ ಜೋಡಿಸಬೇಕು ಎಂದು ವಿನಂತಿಸುತ್ತಾ ಪವಿತ್ರ ಕುರಾನ್ ಸೂಕ್ತದೊಂದಿಗೆ ಸಂಭ್ರಮವನ್ನು ವಿದ್ಯುಕ್ತವಾಗಿ ಉದ್ಘಾಟಿಸಿದರು.
ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಪ್ರಾಂಶುಪಾಲ ಅಡ್ವೋಕೇಟ್ ಹನೀಫ್ ಹುದವಿ ಅವರು ಮಾತನಾಡಿ 800 ವರ್ಷಗಳು ಭಾರತದಲ್ಲಿ ಆಳ್ವಿಕೆ ನಡೆಸಿದ ಮುಸ್ಲಿಮರು, ಇಂದಿನ ದೆಹಲಿ ಜಹಾಂಗೀರ್ ಬುಲ್ಡೋಜರ್ಸ್ ಆಕ್ರಮಣಗಳು, ನಾವೆಲ್ಲಿದ್ದೇವೆ ಎಂಬುದನ್ನು ಸೂಚಿಸುತ್ತದೆ.
ಇವತ್ತು ನಾವು ಭಾರತದ ಮುಸ್ಲಿಮರಿಗೆ ಕೊಡಬೇಕಾದದ್ದು ನಿರೀಕ್ಷೆಗಳನ್ನು, ಹೊರತು ನಿರಾಸೆಗಳನ್ನಲ್ಲ ಎಂದು ಹೇಳಿದರು. ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿಯ ಮೂಲಕ ಉತ್ತಮ ವಿದ್ಯಾಭ್ಯಾಸ ಪಡೆದು ಸಮುದಾಯಕ್ಕೆ ಉತ್ತಮ ನೇತೃತ್ವ ನೀಡುವ ನಾಯಕರನ್ನು ಸೃಷ್ಟಿಸುವ ಈ ಸುವರ್ಣ ಅವಕಾಶ ಸದುಪಯೋಗ ಪಡಿಸಿಕೊಂಡು ಅದಕ್ಕಾಗಿ ನಾವು ಪ್ರಯತ್ನಿಸೋಣ ಎಂದು ಕರೆಯಿತ್ತು ಮುಖ್ಯ ಪ್ರಭಾಷಣಗೈದರು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಪ್ರಾಂಶುಪಾಲ ಅಡ್ವೋಕೇಟ್ ಹನೀಫ್ ಹುದವಿ, ವೆಲ್ ಫಿಟ್ ಇಂಟರ್ನ್ಯಾಷನಲ್ ಗ್ರೂಪ್ ಸಿಇಓ ಯಹ್ಯಾ ತಲಂಗರ, ಸೇಫ್ ಲೈನ್ ಗ್ರೂಪ್ ಸಿಇಓ ಡಾ. ಅಬೂಬಕ್ಕರ್ ಕುಟ್ಟಿಕೊಳು, ಡಿಝಾಬೊ ಸುಪರ್ ಆಪ್ ಸಿಇಓ ಅಫ್ತಾಬ್ ಡಿಝಾಬೊ, ಉದ್ಯಮಿ ಅಶ್ರಫ್ ಶಾ ಮಾಂತೂರು, ಉದ್ಯಮಿ ಯೂಸುಫ್ ಬೇರಿಕೆ, ಅಲ್ ಗಝಲ್ ಗ್ರೂಪ್ ಎಂಡಿ ಆಬಿದ್ ಸಾಹಿಬ್, ಇಂಜಿನಿಯರ್ ನೂರುದ್ದೀನ್ ಮೊದಲಾದವರನ್ನು ಗೌರವಿಸಿ ಸನ್ಮಾನಿಸಲಾಯಿತು
ಕಾರ್ಯಕ್ರಮದಲ್ಲಿ ಸೈಯ್ಯದ್ ಹುಸೈನ್ ತಂಙಳ್, ಕೆಐಸಿ ಯುಎಇ ಕೇಂದ್ರ ಸಮಿತಿ ಅಧ್ಯಕ್ಷರಾದ ಜನಾಬ್ ಮೊಯಿದೀನ್ ಕುಟ್ಟಿ ಹಾಜಿ ದಿಬ್ಬ, ದಾರುನ್ನೂರು ಯುಎಇ ರಾಷ್ಟ್ರೀಯ ಸಮಿತಿಯ ಅಧ್ಯಕ್ಷರಾದ ಜನಾಬ್ ಮುಹಮ್ಮದ್ ಮಾಡಾವು, ಎಸ್ ಕೆ ಎಸ್ ಎಸ್ ಎಫ್ ಕರ್ನಾಟಕ ಯುಎಇ ರಾಷ್ಟ್ರೀಯ ಸಮಿತಿ ಅಧ್ಯಕ್ಷರಾದ ಸೈಯ್ಯದ್ ಆಸ್ಕರ್ ಅಲಿ ತಂಙಳ್, ದಾರುಲ್ ಹುದಾ ವಿಧ್ಯಾರ್ಥಿ ರಿಫಾಯತ್ ಬೇರಿಕೆ, ವೆಲ್ ಫಿಟ್ ಇಂಟರ್ನ್ಯಾಷನಲ್ ಗ್ರೂಪ್ ಸಿಇಓ ಯಹ್ಯಾ ತಲಂಗರ, ಸೇಫ್ ಲೈನ್ ಗ್ರೂಪ್ ಸಿಇಓ ಡಾ ಅಬೂಬಕ್ಕರ್ ಕುಟ್ಟಿಕೋಳು, ಡಿಝಾಬೊ ಸುಪರ್ ಆಪ್ ಸಿಇಓ ಅಫ್ತಾಬ್ ಡಿಝಾಬೊ, ಉದ್ಯಮಿ ಅಶ್ರಫ್ ಶಾ ಮಾಂತೂರು, ಅಲ್ ಗಝಲ್ ಗ್ರೂಪ್ ಎಂಡಿ ಆಬಿದ್ ಸಾಹಿಬ್, ಸಾಮಾಜಿಕ ಕಾರ್ಯಕರ್ತ ಶಬೀರ್ ಕಾಸರಗೋಡು ಮೊದಲಾದವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಮಾತನಾಡಿ ವಿದ್ಯಾ ಸಂಸ್ಥೆಯ ಅಭಿವೃದ್ಧಿಗಾಗಿ ಸಹಕರಿಸಿದರು.
ವೇದಿಕೆಯಲ್ಲಿ ನೂರುಲ್ ಹುದಾ ಯುಎಇ ರಾಷ್ಟ್ರೀಯ ಸಮಿತಿ ಕೋಶಾದಿಕಾರಿ ಜನಾಬ್ ಅಶ್ರಫ್ ಯಾಕೂತ್ ನೆಕ್ಕರೆ, ನೂರುಲ್ ಹುದಾ ಅಬುಧಾಬಿ ಸಮಿತಿಯ ಅಧ್ಯಕ್ಷರಾದ ಅಶ್ರಫ್ ಪಿ.ಕೆ, ಉದ್ಯಮಿ ಅಶ್ರಫ್ ನಾಟೆಕಲ್, ಅಬುಧಾಬಿ ಎಸ್ ಕೆ ಎಸ್ ಎಸ್ ಎಫ್ ಪ್ರಮುಖರಾದ ಅಶ್ರಫ್ ಮವ್ವಲ್, ಉದ್ಯಮಿ ಶಂಸುದ್ದೀನ್ ಸೂರಲ್ಪಾಡಿ, ಉದ್ಯಮಿ ಉಮ್ಮರ್ ಬೇಡಗ, ನೂರುಲ್ ಹುದಾ ಶಾರ್ಜಾ ರಾಜ್ಯ ಸಮಿತಿಯ ಅಧ್ಯಕ್ಷರು ಜನಾಬ್ ಅಶ್ರಫ್ ಗಾಳಿಮುಖ, ಉದ್ಯಮಿ ಯೂಸುಫ್ ಬೇರಿಕೆ, ಉದ್ಯಮಿ ಅಬ್ದುಲ್ ಲತೀಫ್ ಮದರ್ ಇಂಡಿಯಾ, ಶಾರ್ಜಾ ಸಮಿತಿಯ ಪ್ರಮುಖರಾದ ಎಂ.ಪಿ.ಕೆ ಪಲ್ಲಂಗೋಡು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಸಮಿತಿಯ ಪ್ರಮುಖರಾದ ಅಬ್ದುಲ್ ಸಲಾಂ ಬಪ್ಪಲಿಗೆ, ಅಬ್ದುಲ್ ಖಾದರ್ ಬೈತಡ್ಕ, ಬದ್ರುದ್ದೀನ್ ಹೆಂತಾರ್, ಶೆರೀಫ್ ಕೊಡಿನೀರು,ಅಶ್ರಫ್ ಆರ್ತಿಕೆರೆ, ಅಬ್ದುಲ್ಲ ನಯೀಮಿ, ನವಾಝ್ ಬಿಸಿ ರೋಡ್, ಸಿರಾಜ್ ಬಿ ಸಿ ರೋಡ್, ಉಸ್ಮಾನ್ ಮರೀಲ್, ಮುಹಮ್ಮದ್ ಪಲ್ಲತ್ತೂರು, ರಫೀಕ್ ಕೊಡಗು, ನಾಸಿರ್ ಬಪ್ಪಲಿಗೆ, ಅಝೀಝ್ ಸೋಂಪಾಡಿ, ಜಾಬಿರ್ ಬೆಟ್ಟಂಪಾಡಿ, ಜಾಬಿರ್ ಬಪ್ಪಲಿಗೆ, ಇಶಾಕ್ ಕುಡ್ತಮುಗೇರು, ಜೌಹರ್ ಉರುಮಣೆ, ಆರಿಫ್ ಕೂರ್ನಡ್ಕ, ಆಸಿಫ್ ಮರೀಲ್, ಜಬ್ಬಾರ್ ಬೈತಡ್ಕ , ಹಾರಿಸ್ ಪಾಪೆತಡ್ಕ, ಅಶ್ರಫ್ ಸಿ ಎ ದೇಲಂಪಾಡಿ, ತಾಜುದ್ದೀನ್ ಕೊಚ್ಚಿ, ಮೂಸ ಕುಂಞಿ ಕಾವು, ಅಲಿ ಕೆ ಎಚ್ ಈಶ್ವರಮಂಗಲ ನವಾಝ್ ಕಟ್ಟತ್ತಾರ್, ಉಮ್ಮರ್ ಇಂದುಮೂಲೆ, ಅಝರ್ ಹಂಡೇಲು, ಅಬೂಬಕ್ಕರ್ ಆತೂರು ಮೊದಲಾದವರು ಕಾರ್ಯಕ್ರಮದ ವಿಜಯಕ್ಕೆ ಸಹಕರಿಸಿದರು. ಎಸ್ ಕೆ ಎಸ್ ಎಸ್ ಎಫ್ ಕರ್ನಾಟಕ ಯುಎಇ, ಕೆಐಸಿ ಯುಎಇ ಸಮಿತಿ, ದಾರುನ್ನೂರು ಯುಎಇ ಸಮಿತಿ, ಶಂಸುಲ್ ಉಲೆಮಾ ತೋಡಾರ್ ಯುಎಇ ಸಮಿತಿ, ದಾರುಸ್ಸಲಾಮು ಯುಎಇ ರಾಷ್ಟ್ರೀಯ ಸಮಿತಿ, ವಿಖಾಯ ಕರ್ನಾಟಕ ಯುಎಇ ಸಮಿತಿ, ನೂರುಲ್ ಹುದಾ ಯು.ಎ.ಇ ಸಮಿತಿ, ದುಬೈ, ಅಬುಧಾಬಿ, ಶಾರ್ಜಾ ರಾಜ್ಯ ಸಮಿತಿ ಪದಾಧಿಕರಿಗಳು ಮತ್ತು ಎಲ್ಲಾ ಕ್ಲಸ್ಟರ್ ಪದಾಧಿಕರಿಗಳು, ಸದಸ್ಯರು ಸೇರಿದಂತೆ ಹೆಚ್ಚಿನ ಸಂಖ್ಯೆಯಲ್ಲಿ ಹಿತೈಷಿಗಳು ಭಾಗವಹಿಸಿದ್ದರು.
ನೂರುಲ್ ಹುದಾ ದಾವತ್ ಇ ಇಫ್ತಾರ್ ಸ್ವಾಗತ ಸಮಿತಿಯ ಚೇರ್ಮೇನ್ ಜನಾಬ್ ಇಸ್ಮಾಯಿಲ್ ತಿಂಗಳಾಡಿ ಅವರು ಸಹಕರಿಸಿದ ಎಲ್ಲರಿಗೂ ಧನ್ಯವಾದಗೈದರು.
